खोटाङ, ७ फागुन । प्रदेश नम्बर-१ का सामाजिक विकास मन्त्री राजन राईले छ्याजोलो रेन्छेन छेवालिङ बौद्ध गुम्बा शिलान्यास गर्नुभएको छ । जिल्लाको केपिलासगढी गाउँपालिका-४ बाक्सिलामा साँढे तीन करोडमा बन्ने छ्याजोलो रेन्छेन छेवालिङ बौद्ध गुम्बा शनिबार एक कार्यक्रमकाबीच सामाजिक विकास मन्त्री राईले शिलान्यास गर्नुभएको हो ।
सो गाउँपालिकाको केन्द्र बाक्सिला बजारमा रहेको पुरानो र सानो गुम्बाको ठाउँमा ठूलो र व्यवस्थित गुम्बा बनाउन लागिएको बताइएको छ । गुम्बा निर्माणका लागि आवश्यक बजेट व्यवस्था गर्ने र डिपिआर तयार पारेर निर्माणको काम सुरु गरिने याजोलो रेन्छेन छेवालिङ बौद्ध गुम्बा व्यवस्थापन समितिका अध्यक्ष मनकुमार गुरुङले जानकारी दिनुभयो ।
यसैबीच, मन्त्री राईलाई बौद्ध गुम्बा शिलान्याससँगै पालिकाबासीले सम्मान गरेका छन् । मन्त्री राईलाई विभिन्न पार्टीका नेता, कार्यकर्ता तथा शुभेच्छुकले फेटा, दोसल्ला र खादा ओढाएर सम्मान गर्दै बधाई तथा शुभकामना दिएका हुन् ।
