खोटाङ, १४ चैत । नेपाल कम्युनिस्ट पार्टी नेकपा (एमाले) को जनवर्गीय सङ्गठन प्रेस चौतारी नेपालले सात वटै प्रदेशको जिम्मेवारी तोकेको छ । प्रेस चौतारी नेपालको पोखरामा सम्पन्न नौँ महाधिवेशनपछी बसेको पहिलो केन्द्रीय कमिटीको वैठलले सात वटै प्रदेशको जिम्मेवारी विस्तार गरेको हो ।
बैठकले जिम्मेवारी तोक्दै प्रदेश -१ को इन्चार्जमा विक्रम लुइटेल र सह-इन्चार्जमा हरिवोल आचार्यलाई सर्वसम्मत चयन गरेको हो । विगत दुई दशक अगाडीदेखी पत्रकारीता क्षेत्रमा लाग्नुभएका इन्चार्ज लुइँटेल पुर्वेली आवाजमा कार्यरत हुनुहुन्छ ।
खोटाङबाट प्रकाशित हलेसी खबर साप्ताहिक र हलेसी खबर डटकमका सम्पादक आचार्य विगत डेढ दशक अघि देखी निरन्तर पत्रकारिता क्षेत्रमा निष्पक्ष कलम चलाउदै आइरहनु भएको छ । सम्पादक आचार्य प्रेस चौतारी नेपालका केन्द्रिय सदस्य समेत हुनुहुन्छ ।
