खोटाङ,१७ जेष्ठ । खोटाङको दिक्तेल रुपाकोट मझुवागढी नगरपालिकाले नवनिर्वाचित जनप्रतिनिधिहरूको परिचयात्मक कार्यक्रम गरेको छ । ३० बैशाखमा सम्पन्न स्थानीय तह निर्वाचनबाट निर्वाचित जनप्रतिनिधिहरूको परिचयात्मक कार्यक्रम गरेको नगरपालिकाले जनाएको छ ।
मंगलबार दिक्तेलबजारस्थित नगरपालिकाको सभाहलमा दिउँसो १ बजेबाट शुरू गरिएको परिचयात्मक कार्यक्रममा १५ वटा वडाका जनप्रतिनिधिहरूले आफ्नो परिचय दिएका थिए । सो कार्यक्रममा दिक्तेल रुपाकोट मझुवागढी नगरपालिकाका नगरप्रमुख तीर्थराज भट्टराई र प्रमुख प्रशासकीय अधिकृत नीलमकुमार न्यौपानेले सम्पुर्ण नवनिर्वाचित जनप्रतिनिधिहरूलाई अबिर लगाई स्वागत गर्नुभएको थियो ।
कार्यक्रममा विकास निर्माण सम्बन्धि समेत जनप्रतिनिधिहरूसँग अनौपचारिक रुपमा छलफल गरिएको थियो ।
