खोटाङ, ८ असार । हलेसी तुवाचुङ नगरपालिका -९ सल्लेका नागरिकहरू लामो समयदेखी खानेपानी पिउनबाट बञ्चित थिए तर यस वर्ष भने उनीहरुको सपना बिपना परिणत भएको छ । गुरुङ धारा खानेपानी योजना सम्पन्न पछि घर-घरमा शुद्ध खानेपानी आएपछि वर्षौ देखिको खानेपानीको समस्या अन्त्य भएको हो ।
गुरुङ धारा खानेपानी योजना सञ्चालनमा आएपछि सल्लेमा खानेपानीको समस्याको समाधान भएको छ । सल्लेको एक विद्यालयसहित माथिल्लो राईटोल र तल्लो राईटोलका ३२ घरधुरी लाभान्वित भएका छन् । संघीय खानेपानी तथा ढल व्यवस्थापन आयोजनाको कार्यालयको ४५ लाख रुपैयाँको लागतमा निमाणर् गरिएको मिटर जडित खानेपानी योजना सम्पन्न भएको हो ।
भिडियो :
घर-घरमा शुद्ध खानेपानी पाएपछी स्थानीय हर्षित
जिडव्लुएसको सहयोगमा बनेको पुरानो खानेपानी आयोजना जिणर् भएकाले गाँउमा पानीको हाहाकार भएको थियो । लामो समय देखिको पानीको ठूलो समस्या थियो, पुरानो योजनाका केही धारा थिए । तर माथिल्लो टोल र तल्लो टोलका बासिन्दाले त्यहि पानी पिउनुपर्ने बाध्यता रहेको स्थानीयले बताएका छन् । बृहत्पम्पिङ खानेपानी आयोजना ठेकेदारको लापरवाहीको कारण अलपत्र हुदाँ आयोजनामार्फत बाहुनीडाँडाको लिलिमाबेसीँबाट डिकुवाको भुम्जुडाँडा र सल्लेको महादेबेँसीबाट महादेवस्थानको काभ्रेडाडासम्म पम्पिङ गरेर सात वटा वडाका करिब ३८ सय २५ घरधुरीका नागरिकहरू शुद्ध खानेपानी पिउनबाट बान्चित भएका छन् ।
धारामा पानी भर्न, नुहाउन, कपडा धुन र गाइबस्तुलाई खुवाउनसमेत पानीले पुग्दैन थियो । माथिल्लो टोलका स्थानीयले पाइप चुडाएर लैजाँदा तल्लो टोलमा पानीको हाहाकार हुन्थ्यो त्यहि पानीकै निहँमा गाउँले बीच झगडा समेत हुने गरेको थियो तर नयाँ गुरुङ धारा खानेपानी योजना अन्तरगत घर-घरमा शुद्ध खानेपानी आएपछि वर्षौ देखिको खानेपानीको समस्या अन्त्य भएको स्थानीयबासीहरू बताउँछन् ।