खोटाङ,२४ असार । पिसीसि ढलानको कार्य स्टीमेट अनुसार नभएको व्यापक जनगुनासो आएपछि दिक्तेल रुपाकोट मझुवागढी नगरपालिकाका नगरप्रमुख तीर्थराज भट्टराई अनुगमनमा पुग्नुभएको छ।
मध्यपहाडी लोकमार्ग अन्तरगत पर्ने दिक्तेल रुपाकोट मझुवागढी नगरपालिका–८ दोर्पाचिउरीडाँडास्थित
वडा कार्यालय सडकको पिसिसि ढलानमा स्टीमेट अनुसार काम नभएको गुनासो आएपछि नगरप्रमुख भट्टराई बिहिबार बिहान छड्के अनुगमनमा पुग्नुभएको हो।
असार मसान्तलाई लक्ष्यित गर्दै हिलो र माटोमाथि धमाधम ढलान भइरहेको जनगुनासोका आधारमा छड्ने अनुगमनमा निस्कनु परेको प्रमुख भट्टराईले बताउनुभयो । कोहि कसैलाई जानकारी नै नदिई निर्माणस्थल पुग्नुभएका नगरप्रमुख भट्टराईले वडाध्यक्ष लिलाकुमार चौहान, निर्माण उपभोक्ता समिति र स्थानीयसँग भेटघाट गरेर ढलानको विषयमा सत्यतथ्य जानकारी लिनुभएको थियो ।
