खोटाङ,१६ साउन । आइतबार बिहान ८:१३ मिनेट जाँदा खोटाङस्थित साकेला गाउँपालिका-५ मात्तिमविर्तालाई केन्द्रबिन्दु बनाएर ६ रेक्टरस्केलको भूकम्प गएको थियो ।
भूकम्पपछि लगातार परेको अविरल वर्षाले गाउँ-गाउँमा बाढीपहिरोले पुग्न गएको क्षति प्रति दिक्तेल रूपाकोट मझुवागढी नगरपालिका अतिसंवेदनशील भएर विभिन्न ठाउँमा रोकिएका मुख्य राजमार्ग , सडक र बाटोघाटोलाई
सुचारू गरिने दिक्तेल रुपाकोट मझुवागढी नगरपालिकाका नगरप्रमुख तीर्थराज भट्टराईले बताउनुभयो ।
नगरको साधन श्रोत र उपलब्ध उपकरणको व्यवस्थापन गरी वातावरण सहज बनाउनसमेत नगरपालिका प्रयत्नशील रहेको छ । प्रमुख भट्टराईले भन्नुभयो, “ प्राकृतिक प्रकोपबाट सुरक्षित भई सजग र सचेत रहन सबै नगरवासी नागरिकमा अनुरोध गर्दछु । भूकम्पबाट भएको क्षति सम्बन्धित वडाका वडाध्यक्षहरूमार्फत निरिक्षण गराई नगरमा विवरण पठाउनु हुन समेत आग्रह गर्नुभएको छ ।
विभिन्न सामाजिक सङ्घ संस्था , सुरक्षा निकाय , सरोकारवाला पक्षले आ-आफ्नो तर्फबाट सहयोगको हात बढाई असहज अवस्थालाई सहज तुल्याउन मद्दत गरिदिनुहुन प्रमुख भट्टराईले अनुरोध गर्नुभएको छ ।
भूकम्पबाट भएको क्षतिको विवरण टिपाउन वा कुनै समस्या परेमा ९८४४८३०४८२, ९८५२८४९९०१,९८५२८२४१११ र ९८४०३०७९१९ नम्बरमा सम्पर्क समेत गर्नका लागि आग्रह गरिएको छ ।
विपद व्यावस्थापनलाई मध्यनजर गर्दै नगरले निजि तथा सरकारी विद्यालयलाई आज र भोलि विद्यालय बन्द गर्न समेत निर्देशन दिइएको जनाइएको छ । भूकम्पबाट दिक्तेल रुपाकोट मझुवागढी नगरपालिका-४ खाल्लेस्थित डाँडाखर्कमा एक घर आमसिक रुपमा क्षति भएको स्थानीयले बताएका छन् । वडा -१४ वुइपामा एक घर पुर्ण क्षति भएको वडा अध्यक्ष दिनेश राईले बताउनुभयो । वडा -१५ विजयखर्कमा दुइ वटा घर पुर्ण रुपमा क्षति भएको वडा अध्यक्ष राम कटवालले जानकारीदिनुभयो । यस्तै, भूकम्पबाट सोहि नगरपालिकाको वडा-६ नेर्पामा एक घर पुर्ण क्षति भएको नगरपालिले जनाएको छ ।
वडा -९ निर्मलीडाँडामा तीन वटामा आमसिक क्षति र नौं वटा घरमा सामान्य क्षति भएको खबर प्राप्त भएको छ । वडा -७ दोर्पा चिउरीडाँडामा पाँच घर सामान्य क्षति भएको नगरप्रमुख भट्टराईका स्वकीय सचिव प्रकाश खतिवडाले बताउनुभयो ।
बाकिँ वडाहरूमा भने भूकम्पबाट भएको क्षतिको विवरण सङ्गकलन कार्य जारी नै रहेको बताइएको छ ।