खोटाङ,२७ साउन । खोटाङमा कोभिड-१९ संक्रमण दर बढ्दै गइरहेको छ । साकेला गाउँपालिकाको कार्यालयमा ४८ जनाको एन्टिजेन परीक्षण गर्दा चार जना कर्मचारी र एक सर्वसाधारणमा संक्रमण पुष्टि भएको छ ।
बिहिबार गाउँपालिकाका पदाधिकारी, कर्मचारी सम्भावित लक्षण देखिएका व्यक्तिहरूको एन्टिजेन परिक्षण गर्दा पालिका अध्यक्ष रवीप्रकाश राईसहित ४३ जनाको कोभिड रिपोर्ट नेगेटिभ देखिएको साकेला गाउँपालिकाका अध्यक्ष राईले बताउनुभयो ।
कोरोना संक्रमित सबैको स्वास्थ्य अवस्था सामान्य रहेको र उनीहरूलाई होम आइसोलेसनमा राखिएको अध्यक्ष राईले बताउनुभयो । गाउँपालिकाबाट प्रवाह हुँदै आएको सबै प्रकारका सेवा बन्द गरिएको छैन् । अध्यक्ष राईले भन्नुभयो, “पालिकामा हुने सबै किसिमका कामहरु पहिलाको जस्तै हुने छ ।उहाँले भन्नुभयो। सेवाग्राहीलाई सेवा प्रवाहमा कुनै कमि आउन दिइने छैन् । सेवा प्रवाह निरन्तर हुने छ ।
कोरोना संक्रमितहरुको पुनः एन्टिजेन परीक्षण गर्ने र संक्रमण संम्भावित देखिएका व्यक्तिहरुको समेत एन्टिजेन परीक्षण गरेर संक्रमणलाई न्युनिकरण गर्दै जाने बताइएको छ ।
