खोटाङ ,१ असोज । खोटाङको दिप्रुङ चुइचुम्मा गाउँपालिकाले घुम्ती शिविर सञ्चालनमार्फत भत्ता वितरण गर्ने भएको छ । शुक्रबार गाउँपालिकाले एक सूचना जारी गर्दै आर्थिक वर्ष २०७९/०८० को पहिलो त्रैमासिक सामाजिक सुरक्षा भत्ता वडामा वितरण गर्ने भएको दिप्रुङ चुइचुम्मा गाउँपालिकाका प्रमुख प्रशासकीय अधिकृत लोकेन्द्रबहादुर राईले जारी गरेको सूचनामा उल्लेख छ ।
गाउँपालिका र सानिमा बैक शाखा कार्यालय दिप्रुङको सम्झौतामा असोज ५ गतेबाट पहिलो त्रौमासिक सामाजिक सुरक्षा भत्ता वडामै वितरण गर्ने तयारी गाउँपालिकाले गरेको दिप्रुङ चुइचुम्मा गाउँपालिका अध्यक्ष लोकेन्द्र राईले बिरासत खबरलाई जानकारी दिनुभयो । जेष्ठ नागरिक र फरक क्षमता भएको ब्यक्तिहरूलाई बैंकसम्म आवात-जावत गर्न समस्या भएको थियो । उहाँले भन्नुभयो, “हामी निर्वाचित भएर आएसँगै नागरिकलाई स्थानीय सरकारको अनुभुति दिलाउँदै वडाको नागरिकलाई वडामै सामाजिक सुरक्षा भत्ता वितरण गर्न लागेका हौं।
दिप्रुङ चुइचुम्मा गाउँपालिका -१ याम्खामा असोज ५ गते
दिप्रुङ चुइचुम्मा गाउँपालिका-३ छोरम्बुमा असोज ६ गते
दिप्रुङ चुइचुम्मा गाउँपालिका-४ वतासेमा असोज ७ गते
दिप्रुङ चुइचुम्मा गाउँपालिका-५ स-छितापोखरीमा असोज ९ गते
दिप्रुङ चुइचुम्मा गाउँपालिका-६ छितापोखरीमा असोज ११ गते
दिप्रुङ चुइचुम्मा गाउँपालिका-७ टेम्मा असोज १२ गते सामाजिक सुरक्षा भत्ता वितरण गरिने सूचनामा उल्लेख छ ।
यस्तै, वडा -२ डाँडागाउँमा भने वैङ्कमार्फत नै सामाजिक सुरक्षा भत्ता वितरण गरिने प्रमुख प्रशासकीय राईले बताउनुभयो ।
यस अघि सामाजिक सुरक्षा भत्ता बैंकिङ प्रणालीबाट सानिमा बैंकको शाखा दिप्रुङले दिदैं आएको थियो ।
