खोटाङ । व्यावसायिक रुपमा तोरी खेती गर्ने किसानलाई खोटाङको केपिलासगढी गाउँपालिकाले अनुदान उपलब्ध गराउने भएको छ ।

आर्थिक वर्ष ०७९/८० को गाउँसभाबाट स्वीकृत कार्यक्रमअन्तर्गत व्यावसायिक रुपमा तोरी खेती गर्ने किसानलाई खेती गरेको क्षेत्रफल र उत्पादनको आधारमा अनुदान उपलब्ध गराउन लागिएको गाउँपालिका अध्यक्ष समीर राईले बताउनुभयो ।

कम्तीमा तीन रोपनी वा सोभन्दा बढी जग्गामा तोरी खेती लगाउने किसानलाई प्रतिरोपनी एक हजार र कम्तीमा दुई मुरी वा सोभन्दा बढी तोरी फलाउने किसानलाई प्रतिमुरी २५ सयका दरले विनासर्त अनुदान उपलव्ध गराउने तयारी गरिएको अध्यक्ष राईले जानकारीदिनुभयो ।

<span;>तोरी खेतीका माध्यमबाट किसानलाई स्वरोजगार बनाउँदै आयतित खाने तेललाई विस्थापित गर्ने लक्ष्यका साथ गाउँपालिकाले किसानलाई अनुदान दिने कार्यक्रम ल्याएको हो ।