खोटाङ । नेपाली कांग्रेस प्रदेश -१ को संसदीय दलको प्रमुख सचेतकमा भूपेन्द्र राई नियुक्त भएका छन् । नेपाली कांग्रेस प्रदेश-१ संसदीय दलका नेता उद्वब थापाले खोटाङ प्रदेश सभा `ख´बाट निर्वाचित राईलाई प्रमुख सचेतकमा नियुक्त गरेका हुन् ।
नेपाली कांग्रेस प्रदेशसभा संसदीय दलको विधान २०७४ को दफा ११ को उपदफा (१) मा व्यवस्था भएअनुसार राईलाई प्रदेश १ को संसदीय दलको प्रमुख सचेतकमा नियुक्त गरिएको थापाले बताए । राई नेपाली कांग्रेस प्रदेश-१ समितिका महामन्त्री समेत हुन् ।