खोटाङ । विद्युत मर्मत गर्नेक्रममा पोलबाट लडेर गम्भीर घाइते पुरुषको हेलिकप्टरमार्फत उद्धार गरिएको छ । दिक्तेल रुपाकोट मझुवागढी नगरपालिका–४ खाल्लेका ३२ वर्षीय मिननाथ दाहालको हेलिकप्टरमार्फत बिहीबार दिउँसो उद्धार गरिएको हो ।
दाहालको घर नजिकै काँडेमा पुरानो तार अर्थात नाङ्गो तार हटाई एविसी केवल लगाउनेक्रममा पंच मास्टर पोल खुस्किएर दाहाल बिहान नौँ बजे लडेर गम्भीर घाइते भएका थिए । घाइते दाहाललाई विद्युत प्राधिकरण र स्थानीयको सहयोगमा जिल्ला अस्पताल पु¥याइए पनि उपचार सम्भव नभएपछि काठमाडौँ पठाइएको विद्युत प्राधिकरण खोटाङका प्रमुख विजयराज रेग्मीले बताउनुभयो ।
घाइते दाहाललाई अहिले काठमाडौस्थित बि एण्ड बि अस्पतालमा भर्ना गरेर उपचार शुरु गरिएको आफन्तले जनाएका छन् । करिब १२ वर्षदेखि विद्युतमा दैनिक ज्यालादारीको रुपमा काम गर्दै आएका दाहालको श्रीमतीसहित एक छोरा र एक छोरी छन् ।
