‘स्थानीयले फोहोरको गाडी रोक्नुभएको छ । सडकमा उत्रिएर विरोध गर्दै हुनुहुन्छ’, ककनी ३ का वडाध्यक्ष घननाथ बजगाईँले भने । उनले पनि स्थानीयको आन्दोलनमा समर्थन जनाएका छन् ।

फोहोर बोकेर गएका गाडी बाटोमै रोकिएका छन् । एक महिनाअघि प्रधानमन्त्री पुष्पकमल दाहाल प्रचण्डले सम्बन्धित निकायसँग छलफल गरी समस्या समाधान गर्न निर्देशन दिए पनि चासो नदिएको उनको गुनासो छ ।

फोहोर र मान्छे सँगै बस्न नसकेपछि आन्दाेलनमा उत्रिएको स्थानीय सुमित्रा ढकाल बताउँछिन् । ‘फोहोरले रोग फैलिएको छ । बसेर खाना खान नसकिने अवस्था भएको छ,’ ढकालले भनिन् ।

साभार– सिला पत्र