३० असार २०८१, शनिबार | Sat Jul 13 2024

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

दिक्तेलबजारमा अव्यवस्थित टागिएका तार हटाउन अनुगमन

दिक्तेलबजारमा अव्यवस्थित टागिएका तार हटाउन अनुगमन



खोटाङ । जिल्लाको प्रमुख व्यापारिक केन्द्र दिक्तेलबजारमा विद्युत,टेलिफोन नेटजस्ता कार्यमा जडान गरिएका तारहरु बजार क्षेत्र तथा सार्वजनिक स्थलहरुमा अनावश्यक झुण्ड्याइएको तारहरु हटाउनका लागि अनुगमन गरिएको छ । बजारक्षेत्र तथा सार्वजनिक स्थलहरुमा तारका लठ्ठाहरु झुण्डिएर कुरुप देखिनुका साथै करेन्ट लागेर दुर्घटनासमेत हुन सक्ने सम्भावित जोखिमलाई मध्यनजर गर्दै अनावश्यक तारहटाउनका लागि सोमबार अनुगमन गरिएको हो ।

बिरासत खबरसँग कुराकानी गर्दै दिक्तेल रुपाकोट मझुवागढी नगरपालिका प्रमुख तीर्थराज भट्टराईले भन्नुभयो, “आज (सोमबार) दिउँसो अनुगमनका क्रममा सेवा प्रदायकसँग एक किसिमको छलफल भएको छ, आवश्यकमात्रै तार राख्ने र अनावश्यक हटाउने र त्यसलाई व्यवस्थित गर्ने ।, बजारक्षेत्रमा प्रयोगमा आएका भन्दा नआएका तारका लठ्ठाहरु धेरै भएकाले पनि बजारको सौन्दर्यतामा असर गरेको छ। हामिले सबै सम्बन्धित सेवाप्रदायक कम्पनीलाई बोलाएर अनुगमन गरेका छौँ । सडकको माथि वा दायाँबायाँ लत्रिएका तारले बजारको सौन्दर्यलाई कुरुप बनाउनाका साथै आगलागी हुनसक्ने सम्भावना पनि उत्तिकै बढेको छ जुनसुकै बेला अप्रीय घटना घट्न सक्छ यी कुरालाई मध्यनजर गर्दै प्रयोगमा नरहेका तार तथा अव्यवस्थितरुपमा टागिएका तारहरु तत्काल हटाउन मैले निर्देशन दिएको छु । सेवा प्रदायक कम्पनिले भोलिबाटै तार हटाउने काम शुरु गर्नु हुन्छ ।”

पहिरो चरणमा रत्नपार्कदेखि हाडाँडासम्म अव्यवस्थितरुपमा टागिएका तारहरु हटाइने र क्रमश अस्पताल चौक आसपासका क्षेत्रमा जथाभावी टागिएका तार हटाइने प्रमुख भट्टराईले बताउनुभयो ।

नगरपालिकाले सम्बन्धित सेवा प्रदायक कम्पनिलाई गत असोज ३० गते अनावश्यक तारहरु हटाउन पत्र लेखी पठाएको थियो । नगरपालिकाको निर्देशन पछि नेपाल टेलिकमको कार्यालयले आजबाट दिक्तेलस्थित भानुचौकबाट त्रीबेणिचौकसम्म अनावश्यक तथा प्रयोगमा नआएका तारहरु हटाउने काम शुरु गरिसकेको छ भने अन्य सेवा प्रदायाकले भने मंगलबारबाट काम शुरु गर्ने बताइएको छ ।

सेवाप्रदायकले तत्काल जथाभावी झुण्याइएका तारहरु नटाए नगरपालिकाले हटाउँछ र सो बाट लागेको खर्चसमेत संम्बन्धित पक्षबाट नगरपालिकाले अशुलउपर गर्छ ।प्रमुख भट्टराईले भन्नुभयो ।

दिक्तेल रुपाकोट मझुवागढी नगरपालिका नगरप्रमुख भट्टराई, उद्योग वाणिज्य संघ खोटाङका अध्यक्ष राजन आचार्य, जिल्ला प्रहरी कार्यालय खोटाङका प्रमुख प्रहरी नायव उपरीक्षक पुरुषोत्तम खड्का, नगरप्रवक्ता एवम् वडा-५ लफ्याङका वडाध्यक्ष दिनेशकुमार घिमिरे, वडा-१ दिक्तेलका वडाध्यक्ष नवराज राई,नेपाल विद्युत प्रधिकरण दिक्तेल वितरण केन्द्रका प्रमुख, नेपाल दुरसञ्चार प्राधिकरण (नेपाल टेलिकम) शाखा खोटाङका निमित्त कार्यालय प्रमुख हीरालाल यादव, टेकमाइण्ड नेटवर्क र सुबिसु इन्टरनेटका प्रतिनिधिले रत्नपार्कदेखि हाटडाँडासम्म संयुक्त अनुगमन गरेका थिए ।

यो पनि पढ्नुहोस ।दिक्तेल नगरले दिएको समयावधिमा अनावश्यक तार नहटाउने कार्यालयको तार काटिने

प्रकाशित मिति : ११ मंसिर २०८०, सोमबार ००:००  ८ : ४६ बजे

हाम्रो टिम

अध्यक्ष – सन्तोश पौडेल
सम्पादक – बिरेन्द्र मगर
सह-सम्पादक – लक्ष्मी अधिकारी (पौडेल)
फोटो पत्रकार – मनोज आचार्य, आकृश पौडेल
विराटनगर प्रमुख – धिरज दाहाल
धरान प्रमुख –सन्तोश काफ्ले
सम्वाददाता – लेखबहादुर खत्री
साउदी – बलराम नेपाली