खोटाङ । नेपाल कम्युनिस्ट पार्टी (नेकपा) एमाले निकट अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) जिल्ला कमिटी खोटाङको अध्यक्षमा विष्णु उपरकोटी चयन भएका छन् । शुक्रबार ऐसेलुखर्क गाउँपालिका-३ ऐसेलुखर्कस्थित त्रिभुवन माध्यमिक विद्यालयमा अनेरास्ववियुका केन्द्रीय अध्यक्ष समिक बढालको प्रमुख आतिथ्यतामा भएको २४ औं जिल्ला अधिवेशनले सर्वसम्मत अध्यक्षमा उपरकोटीलाई जिम्मेवारी प्रदान गरेको हो ।
अधिवेशनको बन्द सत्रले उपरकोटिको नेतृत्वमा ९ जना पदाधिकारीसहित ३९ सदस्यीय कमिटी चयन गरेको छ। कमिटीको उपाध्यक्षमा क्रमशः सुरेस प्रधान महिला उपाध्यक्षमा शुशिला तिमल्सिना चयन भएका छन् । सचिवमा अभिषेक घिमिरे, सहसचिवमा ईश्वर आचार्य, प्रकाश पौडेल, बिक्रम क्षेत्री र उर्मिला राई चयन भएका हुन् ।
यस्तै, कोषाध्यक्षमा रम्बोहाङ राई चयन भएका हुन्।
निर्वाचित पदाधिकारीलाई सङ्गठनका केन्द्रीय स्थायी कमिटी सदस्य गोपाल नेपालले सफत ग्रहण गराउनु भएको थियो ।
अधिवेशनमा विषेश अतिथि नेकपा (एमाले) केन्द्रीय सदस्य खगेन्द्र राई, रमेश पौडेल, एमाले कोशी प्रदेश लेखा आयोगका सचिव ओमप्रकाश घिमिरे पार्टी अध्यक्ष रामप्रसाद दंगाल र सङ्गठनका महासचिव नरेश रोकाय लगायतले मन्तव्य राखेका थिए ।
