खोटाङ, २९ फागुन । खोटाङमा दादुरा–रुबेलाविरुद्धको खोप अभियान शुरु भएको छ । जिल्लास्तरीय खोप समन्वय समितिको आयोजनामा दिक्तेलस्थित सरस्वती आधारभुत विद्यालयबाट दादुरा–रुबेलाविरुद्धको खोप अभियान शुभारम्भ गरिएको हो

दश स्थानीय तह रहेको जिल्लामा दादुरा–रुबेलाविरुद्धको खोप अभियानका लागि ३९७ वटा खोप केन्द्र निर्धारण गरिएको छ । प्रतिखोप केन्द्रमा एक–एक जना खोप कार्यकर्ता खटाइएको छ । यस्तै, दुई–दुई जनाकादरले ७९४ स्वयंसेवक परिचालन गरिएको छ । खोप पाउनबाट छुट बालबालिकाको द्रुत सर्वेक्षणका लागि ३९५ जना जनशक्ती परिचालन गरिएको जिल्ला स्वास्थ्य कार्यालयले बताएको छ ।

जिल्ला स्वास्थ्य कार्यालयका अनुसार केपिलासगढी गाउँपालिकाका ८७१, ऐसेलुखर्क गाउँपालिकाका ८३०, रावाबेँसी गाउँपालिकाका ७१७, हलेसी तुवाचुङ नगरपालिकाका १ हजार ९६२, दिक्तेल रुपाकोट मझुवागढी नगरपालिकाका २ हजार ९३१, साकेला गाउँपालिकाका ६८२, दिप्रुङ चुईचुम्मा गाउँपालिकाका १ हजार ८२, खोटेहाङ गाउँपालिकाका ९७३, जन्तेढुंगा गाउँपालिकाका ७६९ र बाराहापोखरी गाउँपालिकाका ७०० जना बालबालिकालाई खोप दिने तयारी गरिएको छ । नियमित खोप छुटेको अवस्थामा ५ वर्षसम्म छुट खोप तालिका अनुसार नजिकैको खोप केन्द्रमार्फत खोप लगाउन सकिने जिल्ला स्वास्थ्य कार्यालयका छयकुष्ठ सुरभाइजर सुरेन्द्रकुुमार बुढाथोकीले जानकारीदिनुभयो ।

दादुरा–रुबेलाविरुद्धको खोप अभियान दिक्तेल रुपाकोट मझुवागढी नगरपालिकाका नगरप्रमुख तीर्थराज भट्टराईले उद्घाटन गर्नुभएको थियो । कार्यक्रममा जिल्ला खोप समन्वय समितिका संयाजेक एवम् जिल्ला समन्वय समितिका प्रमुख सनबहादुर राईको अध्यक्षतमा भएको थियो । दादुरा–रुबेलाबाट संक्रमित एक जनाबाट १८ जनासम्मलाई संक्रमण सर्ने भएकाले यसलाई कोभिड भन्दा खतरनाक संक्रामक रोग मानिन्छ ।