खोटाङ, ८ कातिक । खोटाङमा दिशाबस्न गएका एक पुरुषको भीरबाट लडेर मृत्यु भएको छ । धरान नगरपालिका-१५ भै हाल हङ्कङ बसोबास गर्दै आएका ५३ वर्षीय किशन राईको मृत्यु भएको हो ।
आइतबार साँझ साढेँ पाँच बजेको समयमा भोजपुर जानेक्रममा दिक्तेल रुपाकोट मझुवागढी नगरपालिका-८ दोर्पास्थित पंखु खोलामा गाडीबाट ओर्ली दिशाबस्न जानेक्रममा सडकबाट दुई सय मिटर तल खसेर मृत्यु भएको जिल्ला प्रहरी कार्यालय खोटाङका सूचना अधिकारी प्रहरी निरीक्षक सागर साहले बताउनुभयो ।
प्रहरी निरीक्षक साहका अनुसार मृतक राई काठमान्डौँ नागार्जुन नगरपालिका-२ बस्ने ससत्रप्रहरी बलका पूर्व एसपी प्रेम श्रेष्ठसँग घुम्न आएका थिए । मृतक राईको शव आइतबार राती नै जिल्ला अस्पतालमा ल्याइएको जनाईएको छ ।
राईको शव आफन्त आइसकेपछि जिम्मा लगाइने प्रहरीले जनाएको छ । मृतक राईका आफ्न्तलाई सम्पर्क गरि धरानबाट आफ्न्त दिक्तेल आउँदै गरेको प्रहरीले जनाएको छ ।
