खोटाङ,१८ मंसिर ।दोस्रो अन्तर वडा स्तरीय भलिबल प्रतियोगिताको उपाधी रावावेशी गाउँपालिका-३ लामिडाँडाले चुम्न सफल भएको छ । उपाधी चुम्न सफल उक्त विजेता टिमले ५५ हजार नगदका साथमा ट्रफी मेडल र प्रमाण पत्र प्राप्त गरेको खेल संयोजक आशिष राईले जानकारी दिए ।
यसैगरी दोस्रो हुने उपविजेता टिम साकेला गाउँपालिका १ बाँझेच्यानडाँडाले ३१ हजार नगद सहित ट्रफी, मेडल र प्रमाण पत्र प्राप्त गरेको छ । सेमिफाइनलमा पुग्न सफल दुई टिम खोटेहाङ्ग गाउँपालिका २ वाप्लुखा र वडा नम्बर ५ चिप्रिङ्गले ११÷११ हजार नगद सहित मेडल र प्रमाण पत्र प्रदान गरिएको कार्यक्रम संयोजक राईले बताए ।
मंसिर १५ देखी १८ गते सम्म भएको यस भलिबल प्रतियोगिताको समापन समारोहमा नेकपा एमाले १ नम्बर प्रदेश कमिटी सदस्य राजन ढकालको प्रमुख आतिथ्यतामा कार्यक्रम सम्पन्न भएको हो । जिल्लाको खोटेहाङ गाउँपालिका वडा नं ३ सावाकटहरे स्थित ठाँटी खेल मैदानमा भएको थियो । खोटेहाङ्ग गाउँपालिका युवा तथा खेलकुद समितिले आयोजना गरेको उक्त भलिबल प्रतियोगिता भएको हो ।