खोटाङ । नेकपा एमाले खोटाङको पुस २४ मा सम्पन्न सातौं जिल्ला अधिवेशनवाट निर्वाचित पदाधिकारीहरुले शुक्रबार पदभार ग्रहण गर्नुभएको छ ।
निर्वाचित भएको सात दिनपछि अधिवेशनबाट निर्वाचित पाँच पदाधिकारि मध्ये चार जनाले पदभार ग्रहण गर्नुभएको हो ।
सदरमुकाम दिक्तेल स्थीत पुष्पलाल स्मृति भवनमा एमाले अध्यक्ष रामप्रसाद दंगाल, सचिव कुमारप्रसाद आचार्य, उप-सचिव दिपनारायण रिजाल र सुरेन्द्रकुमार राईले पदभार ग्रहण गर्नुभएको नेकपा एमाले खोटाङले जनाएको छ ।
एमालेका नवनिर्वाचित पदाधिकारीलाई एमाले केन्द्रीय सदस्य एवम् खोटाङ जिल्ला सह-ईन्चार्ज, पूर्व सामाजिक विकास मन्त्री, प्रदेश सांसद उषाकला राईले पदभार ग्रहण गराउनुभएको हो ।
उपाध्यक्ष देवविक्रम राई भने कार्यव्यस्तताका कारण पदभार ग्रहण कार्यक्रममा उपस्थित हुन नसक्नुभएको बताइएको छ ।