खोटाङ,१२ फागुन । अमेरिकी सहयोग परियोजना एमसीसीबारे खोटाङको सदरमुकाम दिक्तेल बजारस्थित त्रिवेणी चोकमा सडक जनमत संग्रह गरेको छ ।
नेकपा माआवोदी केन्द्र निकट विद्यार्थी संगठन अनेरास्ववियू क्रान्तिकारीले आयोजना गरेको उक्त मतदानमा सहभागी २०७ जनामध्ये १९२ जनाले यथास्थितिमा एमसीसी पारित गर्न नहुने र १४ जनाले बिना संशोधन पारित गर्न सकिनेमा मत जायर गरेका थिए ।
जसमध्ये १ मत बदर भएको विद्यार्थी नेता पारश विराटले जानकारी दिए
संसदमा पेश भएको एमसीसी यथास्थितिमा पारित गर्ने वा नगर्ने भन्ने विषयमा सर्वसाधरण, बुद्धिजीवी, व्यापारीलगायतलाई मतदान गराइएको विद्यार्थी नेता विराटको भनाई छ । सरकारले एमसीसी बिना संशोधन पारित गरे आफूहरू सशक्त आन्दोलनमा उत्रिन बाध्य हुने उहाँको भनाइ छ ।
