खोटाङ,१० जेष्ठ । अवैध लागू औषधसहित कास्की प्रहरीले तीन जनालाई पक्राउ गरेको छ । पोखरा महानगरपालिका वडा-२६ जरूवामा चेकजाँच गर्ने क्रममा इलाका प्रहरी कार्यालय शिसुवा कास्कीबाट खटिएको प्रहरी टोलीले सोमबार पक्राउ गरेको हो ।
पक्राउ पर्नेमा पोखरा महानगरपालिका-२६ जरूवा बस्ने ३० वर्षीय किशोर परियार सोही ठाउँ बस्ने ३४ वर्षीय ज्ञानबहादुर पुन पोखरा महानगरपालिकावडा -३१ लामास्वाराका ३१वर्षीय बिक्की भनिने विकास गुरुङलाई प्रहरीले पक्राउ गरेको हो । उनीहरूको साथबाट डाइजेपाम-३० एम्पुल, फेनेरागन-३० एम्पुल, नुर्फिन–३० एम्पुल गरी जम्मा-९० एम्पुल र नाईट्रोभ्याट १५ ट्याबलेट लागू औषध र तीन थान मोबाइलसहित फेला पारी निजहरूलाई पक्राउ गरीएको जिल्ला प्रहरी कार्यालय कास्कीले जनाएको छ ।
उनीहरू तीनै जनालाई लागू औषध सम्बन्धी मुद्दा दर्ता गरी कास्की जिल्ला अदालतबाट सात दिनको म्याद थप गरी अनुसन्धान प्रकृया अगाडी बढाइएको प्रहरीले जनाएको छ । शंकास्पद अवस्थामा हिँडिरहेकाबेला उनीहरुलाई प्रहरीले पक्राउ गरेको हो।
