खोटाङ,२३ जेष्ठ । सामान्य वादविवादको क्रममा धकेलेर लडाउदा एक बृद्धको ज्यान गएको छ । केपिलासगढी गाउँपालिका–२ खार्ताम्छाका २९ बर्षीय मनकुमार राईले सामान्य वादविवाद हुँदा धकेलेर लडाउदा ६९ बर्षीय हरीप्रसाद राईको मृत्यु जिल्ला प्रहरी कार्यालय खोटाङले जनाएको छ ।
गत १९ गते राती ११ बजे आपसी बिवाद हुँदा धकेलेर लडाउदा हरी प्रसाद घाइते भएका थिए । उनको न्युरो अस्पताल काठमाण्डौमा उपचारको क्रममा सोमबार राती १ बजे मृत्यु भएको जिल्ला प्रहरी कार्यालय खोटाङका सूचना अधिकारी प्रहरी निरिक्षक शंकरप्रसाद चौधरीले जानकारी दिनुभयो ।
घटनामा संलग्न राईलाई जिल्ला प्रहरी कार्यालय खोटाङले पक्राउ गरी थप अनुसन्धान गरिरहेको प्रहरी निरिक्षक चौधरीले बताउनुभयो । मृतक हरी प्रसाद धकेल्ने मन कुमारका फुपाजु समेत रहेको प्रहरीले बताएको छ । रुपाकोट खबरबाट ।