खोटाङ, ३० साउन । जिल्ला प्रहरी कार्यालय खोटाङले नयाँ प्रहरी प्रमुख पाएको छ । तत्कालीन प्रमुख प्रहरी नायव उपरीक्षक उमेश लम्सालको राष्ट्रिय प्रहरी प्रशिक्षण प्रतिष्ठान महारजगंज काठमाडौंमा सरूवा भएसँगै प्रहरी नायव उपरीक्षक मञ्जिल मुकारुङले आइतबारदेखि आफ्नो कार्यभार सम्हाल्न थाल्नुभएको हो।
प्रहरी प्रधान कार्यालयले ४३ प्रमुख प्रहरी नायव उपरीक्षकहरूको काज सरुवा गरेको थियो । त्यसमध्ये खोटाङका प्रहरी प्रमुख लम्सालको राष्ट्रिय प्रहरी प्रशिक्षण प्रतिष्ठान महारजगंज काठमाडौंमा सरूवा भएसँगै मुकारुङ प्रहरी प्रमुखको रुपमा खोटाङ आउनुभएको हो।
प्रहरी प्रमुख नायव उपरीक्षक मुकारुङले आचरण र व्यवहारमा सुधार ल्याई अपराध रहित समाज निर्माणमा अहोरात्र खटिई कानुनको परिधिमा रहेर प्रहरी सेवा प्रदान गर्नसमेत प्रहरी कर्मचारीहरूलाई निर्देशन दिनुभएको छ । यसअघि प्रमुख मुकारुङ नेपाल प्रहरी प्रधान कार्यालय विशेष ब्युरोमा प्रहरी नायव उपरीक्षक कै रूपमा कार्यरत हुनुहुन्थ्यो ।
प्रमुख मुकारुङलाई नेपाल प्रहरीमा एकदमै निडर,कर्तव्यनिष्ठ,काविल अति क्षमतावान प्रहरी अधिकृतका रुपमा लिने गरिन्छ ।