खोटाङ । हलेसी तुवाचुङ नगरपालिकाले तीन विद्यालयलाई पुरस्कृृत गरेको छ। शैक्षिक सत्र २०७८ को एसईई नतिजा र कक्षा १२ को नतिजा आधारमा पहिलो, दोश्रो र तेश्रो भएका विद्यालयहरुलाई नगद पुरस्कार प्रदान गरिएको हो।
५६ औ अन्तर्राष्ट्रिय साक्षरता दिवसको अवसरमा नगरपालिकाभित्रका १२ वटा माध्यामिक विद्यालय मध्येमा उत्कृष्ट अंकभार ल्याउने विद्यालयलाई पुरस्कृत गरेको नगरपालिकाले जनाएको छ। प्रथम च्यास्मिटार माविलाई नगद ५५ हजार, दोश्रो महेन्द्रोदय माविलाई ४५ हजार र तेश्रो सरस्वती मावि अर्खोलेलाई ३५ हजार पुरस्कार वितरण गरिएको नगरपालिकाका प्रवक्ता एवंम् महादेवस्थानका वडाध्यक्ष कमल गिरीले जानकारी दिनुभयो ।
पुरस्कार हलेसी तुवाचुङ नगरपालिकाका प्रमुख विमला राई र नगरउपप्रमुख रमेशकुमार राउतले प्रधानाध्यापक र विद्यालय व्यवस्थापन समितिलाई प्रदान गर्नुभएको थियो।१२ वटै माविका प्रअहरुलाई राखेर एसईई नतिजा र कक्षा १२ को नतिजा तथा विद्यालयको मुल्याङकनमा एकले अर्कोलाई नम्बर दिन लगाएर उत्कृष्ट भएको विद्यालयलाई पुरस्कृत गरिएको प्रमुख र्राइले बताउनुभयो।
