खोटाङ, १असोज । आर्थीक वर्ष २०७८/०७९ मा सम्पादित स्वास्थ्य कार्यक्रमहरुको आधारमा हलेसी तुवाचुङ नगरपालिका पहिलो बनेको छ । वर्ष भरीमा पालिकामा सञ्चालित तथा सम्पादित स्वास्थ्य कार्यक्रमको आधारमा जिल्लाका दश पालिका मध्ये हलेसी तुवाचुङ नगरपालिका पहिलो बनेको जिल्ला स्वास्थ्य कार्यालय खोटाङले जनाएको छ । अघिल्लो आर्थीक वर्षमा पनि हलेसी तुवाचुङ पहिलो बनेको थियो ।
जिल्लाको अर्को नगरपालिका दिक्तेल रुपाकोट मझुवागढी नगरपालिका दोस्रो र रावा बेसी गाउँपालिका तेस्रो बनेको छ । प्रगतीका आधारमा जिल्लाका अन्य पालिकाहरु त्यसपछि क्रमस रहेका छन् । वर्षभरी जिल्ला एवं पालिकामा सञ्चालित स्वास्थ्य सम्बन्धि कार्यक्रमको वार्षिक समिक्षा गर्दै स्वास्थ्य कार्यालयले शुक्रबार कार्यक्रमको आयोजना गरेर पहिलो दोस्रो र तेस्रो हुने पालिकाहरुलाई भिक्ते घडी र प्रमाणपत्रले सम्मान गरेको कार्यालयका कार्यक्रम अधिकृत जीवन चौलागाईले जानकारी दिनुभयो ।
यस्तै, स्वास्थ्यकर्मी मध्ये वर्षभरी उत्कृट कार्य गर्ने तत्कालिन हलेसी तुवाचुङ नगरपालिकाका स्वास्थ्य शाखा प्रमुख तथा हाल दिक्तेल रुपाकोट मझुवागढी नगरपालिकाका स्वास्थ्य शाखा प्रमुख खेमराज आचार्यलाई स्वास्थ्य कार्यालयले सम्मान गरेको छ ।
