खोटाङ । खोटाङमा सुत्केरी उद्दार गर्न आएको हेलिकप्टरले मोटरसाइकल उडाएको छ । दिक्तेल रुपाकोट मझुवागढी नगरपालिका-१ दिक्तेलस्थित हेलिप्याडग्राउण्ड छेउमा पार्किङ गरिएको बाइक हेलिकप्टर अवतरण गर्ने क्रममा बजाज कम्पनिको एनएस २०० सिसिको मोटरसाइकल उडाएर जिल्ला समन्वय समितिको पछाडीको सडकमा झारेको हो ।
बिहिबार दिउँसो करिव १ बजे दिक्तेलस्थित वडा–५ लफ्याङकी २१ वर्षीया इन्द्रकला राईको सुत्केरी पश्चात अत्याधिक रगत बगेपछि निशुल्क सेवा राष्ट्रपति महिला उद्दार कार्यक्रम अन्तरगत हेलिकप्टर लिन आयो । हेलिकप्टर अवतरण गर्नेक्रममा पार्किङ गरेर राखिएको मोटरसाइकल हेलिकप्टरको हावाले उडाएको प्रत्यक्षदर्शीले बताए ।
हेलिप्याडको छेउमा ३/४ वटा मोटरसाइकल पार्किङ गरेर राखिएको थियो । प्र-१-०५-००१ प १५२९ नम्बरको मो.सा हेलिकप्टरले उडार करिब १५ मिटर तल झारेको थियो । मो.साको अगाडिको भाग पुर्णरुपमा क्षति भएको छ । मोटरसाइकल जिल्लास्थित साकेला गाउँपालिकाका एक व्यक्तिको रहेको पाइएको छ । भिडियो धनिराम नछुङको फेसबुकबाट
हेर्नुहोस् भिडियो
