खोटाङ । गोरु काटेर मासु भाग लगाइरहेको अवस्थामा तीन जना पक्राउ परेका छन् ।ऐसेलुखर्क गाउँपालिका-४ जलेश्वरीस्थित रमितेडाँडामा गोरु काटेर मासु भाग लगाइरहेको अवस्थामा तीन जनालाई पक्राउ गरिएको जिल्ला प्रहरी कार्यालयले जनाएको छ ।
पक्राउ पर्नेमा जलेश्वरीका २६ वर्षीय दावा तामाङ, २८ वर्षीय हेमकुमार तामाङ, २६ वर्षीय मोहन तामाङ र ३२ वर्षीय खियामा तामाङ रहेका छन् । २८ वर्षीय बुद्धिमान तामाङ भने फरार भएका छन्।
गोरु काटेर भाग लगाइरहेको अवस्थामा इलाका प्रहरी कार्यालय ऐसुलुखर्कले उनीहरुलाई नियन्त्रणमा लिएको जिल्ला प्रहरी कार्यालयका प्रहरी निरीक्षक रोमन अर्यालले जानकारी दिए ।
पक्राउ परेका तीनै जनालाई जिल्ला प्रहरी कार्यालयमा ल्याएर आवश्यक अनुसन्धान तथा कारवाही प्रक्रिया अगाडि बढाइएको प्रहरीले बताएको छ । फरार तामाङको खोजी कार्य भइरहेको बताइएको छ ।
