खोटाङ । ‘मुन्दुम अन्तर्राष्ट्रिय चित्रकला प्लेन एयर कार्यशाला तथा प्रदर्शनी–२०८०’ कार्यक्रममा सहभागी हुन खोटाङ आएका १४ देशका चित्रकारले शुक्रबार दिक्तेलका विभिन्न ठाउँमा क्यानभासमा लाइभ चित्र कोरिरहेका छन् । दिक्तेल रुपाकोट मझुवागढी नगरपालिका र धनु आर्ट स्टुडियो काठमाडौँले आयोजना गरेको उक्त प्रदर्शनीमा नेपालसहित अष्ट्रेलिया, बङ्गलादेश, भूटान, चीन, जापान, इजिप्ट, भारत, लातभिया, लिथुआनिया, दक्षिण कोरिया, अमेरिका, युक्रेन र भियतनामका चित्रकारले क्यानभासमा लाइभ चित्र कोरिरहेका हुन् ।
असोज १७ गतेदेखि असोज २१ गतेसम्म सञ्चालन हुने चित्रकला कार्यशाला तथा प्रदर्शनीमा स्वदेशका १७ जना र विदेशका २० जना चित्रकारहरुले सोल्माको शुभद्रा मदन फाण्डेसन, रत्नपार्क, हेलीप्याड, हाटडाँडा, कालिका भगवती मन्दिर, मझुवागढी क्षेत्रमा क्यानभासमा लाइभ चित्र बनाइरहेका हुन् ।
![](https://i0.wp.com/birasatkhabar.com/wp-content/uploads/2023/10/370278868_2672791782872071_3893154902339283447_n-scaled.jpg?resize=720%2C336)
![](https://i0.wp.com/birasatkhabar.com/wp-content/uploads/2023/10/385038069_2672792029538713_6985165282903239086_n-scaled.jpg?resize=720%2C336)
चित्रकारले उतारेका क्यानभास पेन्टिङलाई राखेर असोज २० गते दिक्तेलमा चित्रकला प्रदर्शनी सहित स्थानीय परिकारको स्टल, साँस्कृतिक झाँकी, नृत्य प्रदर्शन गर्ने तयारी गरिएको छ ।
![](https://i0.wp.com/birasatkhabar.com/wp-content/uploads/2023/10/385074317_2672791759538740_6247932617052865493_n.jpg?resize=720%2C540)