लोकार्पण गरिएको म्यूजिक भिडियोलाई खोटाङ म्यूजिकको युटुव च्यानलमा अपलोड गरिएको छ । पूर्व पश्चिमको प्रेम सम्वन्धलाई देखाइएको गीतमा गदाल र शान्तिश्री परियारको स्वर रहेको छ ।
गदालकै शव्द र संगीत रहेको सो गीत स्टुडियो किङमा रकेर्ड गरिएको हो । गदाल र परियारलाई कोरसमा मनोज साङ्सोन राई, सुरेश राई, लिला राई र निरन्ता नेम्बाङले साथ दिएका छन् । करिब ११ मिनेट लामो गीतको म्यूजिक भिडियो ज्ञानेन्द्र (कमेडी) बिकको निर्देशनमा तयार पारिएको हो ।
मोफसलका कलाकारको प्रयत्नमा बनेको म्यूजिक भिडियोमा अन्योल राईले कोरियोग्राफी गरेका छन् । खोटाङकै खाल्लेस्थित कात्तिके, शुभम फाउण्डेसन, मझुवागढी लगायतका ठाउँमा छायाङ्कन गरिएको म्यूजिक भिडियोमा पर्शु गजमेर, सारा बिक, राजेश तामाङ, प्रमिला रम्तेल, सुजता रिजाल, केदार अनुरागी, नुरकाजी सैंजु, दुर्ग रसाईली, पदम हिङमाङ र पूर्ण परियारको अभिनय रहेको छ ।
कोरसमा सुर्यहाङ राई, मिरुम राई, अनुशिल राई, प्राथाना राई, सुशिल राई र प्रविन गदालको अभिनय देख्न सकिन्छ । म्यूजिक भिडियोको छायांकन पदम बर्मशाखा र सुमन बिकले गरेका हुन् ।
गीतको एरेञ्ज मनोज साङ्सोन राईले गरेका हुन् । मनोज साङ्सोन र सुरेश राई रेकर्डिस्ट रहेको गीतको मिक्सिङ राजु कार्कीले गरेका हुन् । म्यूजिक भिडियो साइनो कला केन्द्रका अध्यक्ष भक्त विकको सभापतित्वमा लोकार्पण गरिएको हो । दिक्तेल रुपाकोट मझुवागढी नगरपालिका ४ खाल्ले निवासी गदालको २०७८ सालमा गाउँमै रमाउने हो, २०७६ मा पञ्चेबाजार बस्छु सँधै रोई बोलको गीतको म्यूजिक भिडियो बजारमा आएको थियो ।
यस्तै, २०७५ असोजमा धेरै दुःख पाइयो र बाटोमा हिँडियो बोलको लोक गीत, २०७४ मा मायाँ पिरती लाउनु र २०७३ सालमा पसिनाले बसेँ रुझेर बोलको गीतको म्यूजिक भिडियो बजारमा आएको थियो । उनले २०६३ सालमा धोका पाको छु र यो मन रोइरहने बोलको गीत बजारमा ल्याएका थिए ।
भीडियो ।
